 | Бар болғаны 15 минуттың ішінде шайға тәтті әзірлеуге болады. Ол үшін үйіңізде кускус, бал және жаңғақтар болса болды. Қалған ингредиент әр үйде табылады деп ойлаймын. |
Кускус мағриб елдерінің асханасының көптеген тағамдарына кіреді. Одан етті де, тәтті де тағамдар жасап жатады. Бүгін біз кускустан шайға тәтті жасаймыз.
Құрамы:
- Кускус - 1/2 стақан,
- Сүт - 3/4 стақан,
- Сары май - 2 ас қасық,
- Бал - 2 ас қасық,
- Жаңғақтар және мейіз - 1 стақан,
- Даршын - 1 шымшым.
Дайындалу тәсілі:
|
| Сүтті отқа қойып, жылытамыз. |
|
| Сүт қайнай бастағанда өшіреміз де, кускусты салып, қақпағын жауып қоямыз. 5 минут бұқтырамыз. |
|
| 5 минут өткеннен кейін жақсылап араластырып жібереміз, ыстық кускусқа бал және сары майды араластырамыз.
Жаңғақтарды 2-3 бөліп турап жібереміз. Мен бадам және пісте (фисташки) жаңғақтарын алдым. |
|
| Мейіз бен жаңғақтарды және даршынды араластырамыз. 1 уысын алып қоямыз, кейін дастарханға ұсынғанда бетіне саламыз.
Осымен тәттіміз дайын, шайыңызды қоя беріңіз;) |
Кускус деген не? Даршын ше?
ОтветитьУдалитьБидай жармасының бір түрі. Гуглдатып оқуыңызға болады толығырақ.
УдалитьДаршын дегеніміз - корица.