Gourmania - аспаздық блогы. Блог беттеріндегі рецептер толығымен қазақ тілінде берілген. Оқырмандарға түсінікті болу үшін торт, салат, етті тамақ, қазақтың ұмытылып бара жатқан ұлттық тағамдары, бәліш (пирог) рецептері суреттерімен берілген.
Ұлттық тағамдар қоржыны тағы бір тағамға көбеймек. Бүгінгі мәзірде жылқының сүр етінен жасалған қуырдақ.
Ұлттық тағамдардан соңғы рет Жент жасалған болатын.
Сүр ет қуырдақтың құрамы:
Жылқының сүр еті,
Пияз,
Қаймақ,
Қара бұрыш.
Гарнирге:
Баялды,
Сәбіз,
Тұз,
Сұйық май.
Қуырдақтың жасалу жолы:
Етті тураймыз.
Майлы кесектерін алып, қызып тұрған қазанға майын төмен қаратып саламыз.
Сәл майы шыжығаннан кейін пиязды саламыз.
Енді қалған етін саламыз да, қақпағын жауып, еті жұмсарғанша пісіреміз.
Баялды және сәбізді дөңгелектеп турап, май жағып және тұз сеуіп, 170°С-та қызып тұрған пешке 20-25 минутқа қоямыз.
Ет піскеннен кеін 1-2 қасық қаймақ салып, тағы 3-5 минуттай пісіреміз.
Піскен көкөністерді ыдысқа салып, үстінен қуырдақты саламыз.
Комментариев нет:
Отправить комментарий