Киеуіл туралы біраз ақпар

Бұрын киеуілді  ғаламторда/аспаздық кітаптарда/ТВ-да суреттерін ғана көретінбіз, қазір қуантатыны қаланың ірі супермаркет сөрелерінен табуға болады. Сонымен киеуілдің не екендігіне нақтырақ тоқтала кетсек...

Киеуіл (каперс) - тікенекті киеуіл өсімдігі гүлінің ашылмаған қауызы. Жалпы киеуілдің отаны Жерорта теңізі аймағы, орталық азия. Сондықтан каперс сөзі Кипр аралының грек атауынан шыққан деген де болжам бар.
Каперс сірке суы және тұзбен маринадталған түрінде қолданылады. Маринадталғандықтан киеуіл өте тұзды болғандықтан, қолданар алдында судың мөлшерін азайту үшін суға малып қолданған жөн. Дәмі қышқылтым, ащылау және қышаға ұқсайды.
Танымал оливье салатының түпнұсқалық дайындалуында дәл осы капрес болған, бірақ осы уақытқа дейін дүкендерде болмағандықтан, орнына маринадталған қияр қолданып кеткен.
Киеуіл зәйтүн, бөрікгүл (артишок), руккола салатымен қоса  классикалық жерорта теңізі асханасына тән тағам түрі.
Келесі тағамдармен жақсы үйлеседі:

• зәйтүн және сары майы,
• майонез,
• тауық, қой және сиыр еті,
• теңіз өнімдері,
• тұздалған және ысталған балық,
• тұздалған қияр,
• пияз,
• макарон өнімдері,
• зәйтүн,
• қызанақ және тәтті бұрыш,
• балдыркөк (сельдерей),
• моцарела, фета және брынза,
• жұмыртқамен,
• ақжелкен, аскөк.

Енді осы жоғарыдағы тізімге қарай киеуілді қолданып, рационыңызға жаңа өнімді қосуыңызға болады.

Маринадталған киеуіл

Киеуіл қолданылған тағамдар:

Кілегейлі тұздықта піскен теңіз ирекшелері

Күнжіт және киеуіл қосылған көкністі салат