Қатпарлы қамырдан жасалған раушангүл

Шұжық қосылған қатпарлы қамырдан жасалған раушангүлдер - асықпай дайындалатын жексенбілік таңғы ас ретінде немесе тез арада қонақтарыңызды таң қалдыру керек болса, дастарханыңызды жайнатып жібереді.

Құрамы да, жасалу жолы да өте қарапайым. Аз уақыт ішінде ерекше тіскебасар.

Құрамы:

Қатпарлы қамыр

Шұжық

Жұмыртқа - 1 дана (сыртына жағуға)

Дайындалу жолы:

	Қатпарлы қамырымызды жайып, ұзын жолақша тәріздес кесіп шығамыз. Шамамен үстіңгі жағы болатын жерге шетіне шығарып, жұмыртқа жағып шығамыз. Шұжықты суреттегідей (бірінші дөңгелектеп, сосын екі бөліп) кесіп аламыз.  Қамардың үстіне саламыз.
	Енді қамырды шұжығымен бірге ораймыз. Шеткі жағына аздап су жағып, жақсылап жабыстырамыз. Әйтпесе, пісіп жатқан кезде қамыр ашылып кетеді.
	Қызып тұрған пешке 180°С-қа 30-35 минутқа қоямыз.

Осылай дастарханыңызда жасыл желекте раушангүлдер жайнайды.

Астарыңыз дәмді болсын!