 | Қыстың қамын жазда ойла демекші, көкөністер піскен кезде, қыстың салаттарын жабатын кез келді. Бүгінгі ұсынғалы отырған мәзірім - Лечо салаты. |
Құрамы:
- Қызанақ - 2 кг.,
- Тәтті бұрыш - 1,5 кг.,
- Пияз - 1 кг.,
- Сәбіз - 1 кг.,
- Қант - 100 гр.,
- Сұйық май - 300 гр.,
- Сірке қышқылы 70% - 1 ас қасық,
- Тұз - 1 ас қасық.
Жасалу жолы:
- Көкөністерді жуып, тазалаймыз.
- Сәбіз, пияз және тәтті бұрышты ұзыншалап тураймыз.
- Қызанақты блендер немесе еттартқышта майдалаймыз.
- Барлығын үлкен ыдысқа саламыз. Үстіне тұз, қант, сұйық майды құямыз да 1,5 сағат орташа отта пісіреміз. Асты күйіп кетпес үшін, араластырып отырамыз.
- Салат піскенше банкаларды және қақпақтарды зарасыздандырамыз (стерилизация).
- Салат піскен бетте, ыстық күйінде банкаларға салып, қақпағын жабамыз.
- Бір бұрышқа көрпе төсеп, үстіне салаттардың банкасын төңкеріп қойып, жақсылап жауып қоямыз. Солай 1 түн тұру керек. Келесі күні салаттарды алып, әрі қарай сақтай бересіз.
Астарыңыз дәмді болсын!
Оқи отырыңыздар:
 | Шелпек |
 | Ақ ірімшіктен жасалған чизкейк |
 | Ұлттық тағам - Қуыс құлақ |
Комментариев нет:
Отправить комментарий