Балды торт

Бұл рецепт бойынша әзірленген торт - дәл менің ойымдағы балды торт. Өйткені осы рецептті таппас бұрын бірнеше түрін жасап көрдім, біресе қатты, біресе түсі боздау көрінді. Ал осы мәзір бойынша торт жеп-жеңіл, аузыңызға салған бетте еріп кетеді және түсі де саф алтындай))

Балды торттың құрамы:

Қамырына:

• Жұмыртқа - 3 дана,
• Қант - 1/2 стақан,
• Бал - 4 ас қасық,
• Өсімдік майы - 3 ас қасық,
• Ас содасы - 2 шай қасық,
• Ұн - 3,5 стақан.

Креміне:

• Қаймақ 25% - 500 гр. (1,5 құты),
• Қант - 1/3 стақан.

Балды торттың дайындалу тәсілі: 

	Ұннан басқасының барлығын ыдысқа салып, баяу отқа қоямыз.
	Үнемі араластырып отырамыз.
	10 минут баяу отта қайнатамыз. Үнемі араластырып отыруды ұмытпаймыз. Көлемі 3 есеге ұлғаяды.
	Оттан алып, еленген ұнды біртіндеп салып, қамыр илейміз. Ұнның көлемін қамырыңызға қарай өзгертуге болады.
	Қамыр тығыз болмау керек. Иленген дайын қамырды тоңазытқышқа 1 сағатқа қоямыз.
	Сол уақытта кремін дайындаймыз. Мен 1 құты (385 гр.) қаймақтан жасағандықтан, құрғақтау болды. Сондықтан сіздерге кремін көбірек (1,5 құты қаймақ) жасауға кеңес беріп отырмын.
	Қамырды 8 бөлікке бөліп, жұқа дөңгелектеп жаямыз.
	Пешіңіздің конвекция режімі болса, тіптен жақсы. Бірден екі дөңгелектен пісіре бересіз. Әр піскен дөңгелектің шетін тегістеп кесеміз. Әр қабатына қалыңдау етіп крем жағамыз. Қалдықтарын жинап үгітіп шеттеріне және үстіне себеміз. Торт тоңазытқышта кемінде 5-6 сағат тұру керек.

Балды торт

Балды торт

Дәл осындай тортпен шай ішкенге не жетсін;)

---

Оқи отырыңыз:

	Асүйдегі тайм-менеджмент немесе көкөністерден дайындама жасаймыз
	Жаңғақты панировкадағы ешкі ірімшігі
	Табака балапаны
	Шелпек