 | Бұл торт әркімнің болса да есінде шығар. Осыдан 15-20 жыл бұрын ең жиі жасалатын торттырдың бірі болатын. Балалық шағыңызды есіңізге алғыңыз келсе, мәзірді әрі қарай оқыңыз;) |
Құмырсқаның илеуі тортын екі түрлі нұсқада ұсынуға болады - бір ортақ табаққа және жеке поциялармен. Меніңше, әр адамға өз порциясымен берген өте ыңғайлы. Бетін жеміс-жидектермен сәндеп жіюерсеңіз кондитерлік дүкеннің тортынан асып түспесе, кем болмайды.
Құрамы:
Қамырына:
- Ұн - 4 стақан,
- Сары май - 200 гр.,
- Жұмыртқа - 1 дана,
- Сүт - 2 ас қасық.
- Қойылтылған сүт - 1 құты,
- Сары май - 2 ас қасық,
- Жер жаңғағы (арахис) - 1 стақан,
- Көкнар - 1/2 стақан.
Жасалу жолы:
 | Қатып тұрған майды ұнға малып отырып, үккіштен өткіземіз. Әрі қарай қолмен майдалаймыз. |
 | Нәтижесінде майлы ұнтақ пайда болады. Үстіне жұмыртқа мен сүтті құямыз да, қамыр илейміз. Қамыр бірікпей жатса тағы 1 қасықтай сүт құюға болады. |
 | Қамырды 2 сағатқа тоңазытқышқа немесе 30 минутқа мұздатқышқа қоямыз. Шұжық тәріздес пішін беріп салсаңыз, қамыр тезірек қатады. |
 | Қатып тұрған қамырды еттартқыштан өткіземіз. Үккіштен (терка) де өткізуге болады, бірақ еттартқышпен тезірек болады. |
 | Араларын ашып, жайып саламыз. 180°С-та қызып тұрған пешке 20-25 минута қоямыз. |
 | Жаңғақты аздап қуырып, қабығын аршып, сәл үгітеміз. |
 | Піскен қамырды қолмен үгітеміз. Үстіне жаңғақ және көкнарды саламыз. Қойылылған сүт пен жұмсақ сары майды араластырамыз да, қамырмен біріктіреміз. |
 | Осымен тәттіміз дайын. Дастарханға бірден ұсынған жақсы, сондықтан кремін қонағыңыз келерде бірақ араластырған жөн. |
Комментариев нет:
Отправить комментарий