Үрмебұршақ салаты

Нағыз қыстыгүні жейтін салат. Өзі тойымды, құнарлы, әрі дәрумендерге толы. Оған қоса мойенезсіз.

Құрамы:

• Үрмебұршақ - 1 кесе,
• Сәбіз - 2 дана, 
• Пияз - 2 дана,
• Сарымсақ - 2 түйір,
• Өсімдік майы - 2-3 ас қасық,
• Нан - 3-4 тілім,
• Тұз, қызыл бұрыш.

Жасалуы:

1. Үрмебұршықты бірнеше сағатқа (5-10 сағатқа дейін) суық суға жібітіп қоямыз. Неғұрлым суда көбірек тұрса, соғұрлым тезірек піседі.
2. Бұршақ жібігеннен кейін, тұзды суда 30-40 минут пірісеміз. Қатты езіліп кетпеуін жіне қатты болып кетпеуін қадағалау керек.
3. Табаға майды құйып, қыздырамыз. Туралған пиязды, үккіштен өткізілген сәбізді майға 5 минуттай қуырамыз. Тұз, бұрыш саламыз. Сәбіз піскеннен кейін отты өшіреміз. Суығаннан кейін ұсақталған сарымсақты саламыз.
4. Нанды шақпақтарға кесіп, 180°С-та қызып тұрған пеште 5-10 минуттай кептіреміз.
5. Енді піскен бұршақ пен сәбізді араластырамыз, ыдысқа салып, үстіне кепкен нан сеуіп ұсынамыз.

Ас болсын!

---

Оқи отырыңыз:

	Үлпершек
	Жүгері және гүлді орамжапырақ қосылған дәруменді салат
	Жаңғақты панировкадағы ешкі ірімшігі