 | Бала кезімізден таныс, ең дәмді торттардың бірі - Дамские пальчики. Піскен қамырдан жасалады, ішіне крем салсаңыз профитроли немесе эклер болады, сыртына қаймақты крем жақсаңыз сол Дамские пальчики торты болып шыға келеді. |
Құрамы:
Қамырына:
- Сүт - 1/2 стақан,
- Су - 1/2 стақан,
- Сары май - 150 гр.,
- Ұн - 1 стақан,
- Жұмыртқа - 4 дана.
Креміне:
- Қаймақ - 400 гр.,
- Қант - 1 стақан.
Жасалу жолы:
- Су, сүт және майды отқа қоямыз.
- Суы қайнаған кезде ұнды саламыз. 2-3 минут араластырамыз. Қамыр ыдыстың шетіне жабыспай, жақсы алына бастағанда оттан аламыз.
- Пешті 200°-та қыздырып қоямыз. Противеньді майлаймыз.
- Қамырды сәл суытамыз. Қамырға жұмыртқаны бір-бірден салып, араластырып отырамыз.
- Противеньге 1 ас қасықтан қамырды саламыз, арасы жақын болмау керек. Өйткені қамыр 2 есеге дейін өседі. 200°С 20-25 минут пісіреміз. Пештің ауызын сіл ашып, суығанда ғана аламыз.
- Кремін жасау үшін қаймақ пен қантты миксермен араластырамыз.
- Профитролилерге қаймақ жағып, үстін жаңғақ, шоколадпен сәндеуіңізге болады.
- 2-3 сағат тоңазытқышта тұрғаннан кейін бірақ ұсынғаныңыз жақсы. Сол уақытта кремі жақсы сіңеді.
  |
Ас болсын!
Оқи отырыңыздар:
 | Асүйдегі тайм-менеджмент немесе көкөністерден дайындама жасаймыз |
 | Үгілмелі печенье |
 | http://www.gourmania.kz/2014/04/blog-post_2806.html |
Комментариев нет:
Отправить комментарий